ഔവർ ലേഡി ഓഫ് വേളാങ്കണ്ണി പള്ളി അഥവാ ആരോഗ്യ മാതാ ദേവാലയം പുന്നംപറമ്പിനടുത്തുള്ള കരുമത്രയിലാണ് സ്ഥിതി ചെയ്യുന്നത്. മച്ചാട് സെൻ്റ് ആൻ്റണീസ് ദേവലായത്തിൽ നിന്ന് പിരിഞ്ഞ് 1982 നവംബറിലാണ് ഇത് നിർമ്മിച്ചത്. വിളിച്ചാൽ വിളികേൾക്കുന്ന പരിശുദ്ധ അമ്മയുടെ തിരുന്നാൾ എല്ലാ വർഷവും ഓഗസ്റ്റ് 31 മുതൽ സെപ്റ്റംബർ 8 വരെ ആഘോഷിക്കുന്നു. ജാതിമതഭേദമന്യേ അനേകം ഭക്തജന സാന്നിധ്യമാണ് അമ്മയുടെ അനുഗ്രഹം തേടിയും ലഭിച്ച നന്മകൾക്ക് നന്ദിയും അർപ്പിക്കാൻ ഈ അവസരങ്ങളിൽ എത്തിച്ചേരുന്നത്. വിവാഹതടസ്സം മാറുക, കുട്ടികളില്ലാത്ത ദമ്പതികൾക്ക് സന്താനഭാഗ്യം ലഭിക്കുക. എന്നിങ്ങനെ പറഞ്ഞറിയിക്കാൻ പറ്റാത്ത അനുഗ്രഹങ്ങളാണ് ലഭിച്ചു കൊണ്ടിരിക്കുന്നത്. ഇവിടെത്തെ പ്രധാന നേർച്ച അമ്മയ്ക്ക് സാരി സമ്മർപ്പണം, കൽവിളക്കിൽ തിരിതെളിയിക്കുക എന്നതാണ്. ആഗസ്റ്റ് 31 മുതൽ സെപ്തംബർ 8 വരെ എട്ട്നോമ്പാചരണം ആചരിച്ചുപോരുന്നു.